Visitas ao Castro de Elviña e San Antón en marzo

Desde a asociación propoñémosvos dúas visitas moi relacionadas entre si, a primeira ao Castro de Elviña e a segunda ao Castelo de San Antón e ao seu Museo Arqueolóxico e Histórico, onde se exhiben pezas atopadas nas excavacións do Castro de Elviña.

CASTRO DE ELVIÑA
Sábado 15 de marzo
Poblado protohistórico que estivo habitado entre o século III a.C. e o século IV d.C.
Aparcamento: É recomendable deixar os coches no campus, a tan só 5 min a pé.
Acceso: Desde a vía que comunica o Campus Universitario de Elviña co Campus Universitario da Zapateira. Enlace aquí. Recoméndase calzado cómodo e que non esvare.
11.20h Punto de encontro na entrada do castro
11:30h Comeza a visita guiada. Unha vez iniciado o percorrido ninguén se poderá incorporar ao grupo xa que o recinto permanecerá pechado. Rógase puntualidade.
13:00h Remata a visita. (A hora é aproximada)

CASTELO DE SAN ANTÓN E MUSEO ARQUEOLÓXICO E HISTÓRICO
Sábado 22 de marzo
Antigua fortificación construída para a defensa da cidade da Coruña, sitúase na coñecida como “Illa da Pena Grande”. No 1960 o Ministerio do Exército cedeu o edificio ao Concello da Coruña, que crea o Museo Arqueolóxico e Histórico da cidade, que abre as súas portas ao público no 1968.
11.20h Punto de encontro na entrada do castelo
11:30h Comeza a visita guiada.
12:45h Remata a visita. (A hora é aproximada).

Inscrición: mediante chamada ou mensaxe ao teléfono 606 281 744, indicando nome ou nomes dos asistentes ás actividades e un teléfono de contacto.

Gustaríanos contar co voso interese e, sobre todo, coa vosa participación.