Viaxe ao románico da montaña palentina

A viaxe longa da AACC deste ano ten como obxectivo realizar unha ruta para coñecer o marabilloso románico da montaña palentina, considerado como a concentración de monumentos románicos máis importante de Europa.

Datas: 3, 4 e 5 de xullo
Capacidade: 20 – 25 persoas
Prezo en habitación dobre: 400 € socios e 450 € no socios
Prezo habitación individual: 450 € socios e 500 € no socios
Preinscrición e consultas: juan.rico@gmail.com. A preinscrición debe facerse antes o 30 de abril.

O aloxamento será no hotel Marqués de Aguilar (***) en Aguilar de Campoo, en réxime de aloxamento e almorzo. O prezo inclúe a viaxe, as comidas de venres, sábado e domingo e as entradas a todas as visitas. Todas elas serán guiadas por expertos en arte románica.

Programa da viaxe

• Venres 3: saída ás 9 horas en autobús desde o Aquarium Finisterrae con destino a Aguilar de Campoo. Parada en ruta, comida e chegada aproximada ao hotel ás 16 horas. Acomodación e visita guiada á Capilla de Santa Cecilia e ao Monasterio de Santa María la Real. A continuación cea libre.

• Sábado 4: almorzo no hotel e comezo da ruta do románico. Dirixímonos a Cervatos, para visitar a Colegiata de San Pedro, e seguimos a Revilla de Santullán e a Villanueva de la Torre. Comida en San Salvador de Cantamuda. Finalizada a comida, comezan as visitas na Iglesia de San Salvador, partindo logo cara Perazancas de Ojeda, onde visitaremos a Iglesia de la Asunción e a Ermita de San Pelayo. Retorno a Aguilar de Campoo. Cea libre.

• Domingo 5: almorzo no hotel e partida cara a Valdehuesa, para facer unha visita guiada ao Museo de la Fauna Salvaje. Finalizada a visita, comida en Valdevimbre e, despois de comer, reemprendemos o camiño de volta. Tras unha parada técnica, chegada ao Aquarium Finisterrae ao redor das 20 horas.