A mañá do sábado 14 de decembro realizaremos unha visita na Sala Municipal de Exposicións Kiosco Alfonso, situada nos Xardíns de Méndez Núñez.

A exposición “Viñetas desde o Atlántico 2024” presenta as obras de Lucas Varela, que é deseñador gráfico, infografista, ilustrador, artista plástico e historietista; Marcello Quintanilha, que combina a ilustración con profundas reflexións sociais, sendo un dos historietistas máis recoñecidos e premiados de Brasil; e Kundo Krunch, historietista e ilustrador cun estilo moi particular e persoal.

Durante o noso percorrido contaremos coa presenza dun guía especializado, Tonecho Otero, que nos dará información valiosa sobre as obras e os artistas.

11:50h Punto de encontro diante do Kiosco Alfonso (preme aquí para ver a ubicación)

12:00h Inicio da visita guiada

Inscribirse chamando ou mandando unha mensaxe ao teléfono 606 281 744, indicando nome ou nomes dos asistentes á actividade e un teléfono de contacto.

O sábado 23 de novembro organizamos unha observación astronómica baixo o ceo de Guitiriz

• 19.00 h. Reunirémonos no aparcadoiro da área de servizo de Guitiriz dirección Lugo-Madrid.
• 19.10 h. Subiremos ata o Mirador do Cordal, que ten un ceo espectacular. Dende alí poderemos recoñecer as principais constelacións e observaremos por telescopio a Lúa, os aneis de Saturno, as lúas de Xúpiter e algún obxecto de ceo profundo, como a nebulosa de Andrómeda ou o dobre cúmulo de Perseo.

Requerido para a observación:

• Inscribirse chamando a Manuela Méndez ao teléfono 606 281 744, indicando nome ou nomes dos asistentes á actividade e un teléfono de contacto.

• Vide moi abrigados: gorro, luvas, calcetíns gordos, botas con suela canto máis gruesa, mellor.

• Se tes prismáticos ou telescopio podes traelo, se non sabes montalo, botámoste un cable.

• Podes traer unha tumbona de praia para mirar as estrelas, que flipas o ben que se está, mellor con manta.

• Chocolate quente, café, té, galletas e piscolabis sempre se agradecen despois dun rato de observación.

• Se traes linterna (non vai facer falta, que hai Lúa) hai que poñerlle celofán vermello diante para non molestar.

Como a observación depende de que o ceo estea despexado se confirmará ou cancelará a observación unhas horas antes, polo que é necesario estar atentos ao móbil o día da quedada.

Se traedes cativos/as:

“Por qué los niños tienen que venir muy abrigados, explicado por Borja Tosar:

La cantidad de calor que disipa un cuerpo, que para el caso que nos interesa podemos también definir como la velocidad a la que se enfría un niño, viene dada por la relación entre la superficie de disipación de calor del niño, que sería toda su piel, y su volumen. La relación cambia con el tipo – forma de cuerpo, pero para acercarnos a la solución del problema podemos suponer un niño esférico, en este caso la relación es clara, al disminuir el radio de la esfera – o del niño – la superficie de disipación es 4,83 veces más grande, con lo que cuando más pequeño el niño más eficiente es disipando calor y por tanto se enfría en un factor y velocidad considerable comparados con adultos de mucho mayor radio. Es por eso que los niños se enfrían mucho más rápidamente que los mayores y por ello tienen que venir mucho mejor abrigados a las observaciones. El mismo principio se aplica habitualmente en planetología a los planetas. En análogo niño esférico, planeta esférico es válido y nos da una relación entre lo rápido que pierden el calor interior los planetas en relación a su radio.

En el caso de la Tierra el calor procedente de la d e s i n t e g r a c i ó n d e elementos radiactivos, acreción y cristalización del núcleo interno es disipado lentamente a través de la superficie, en forma de erupciones volcánicas y tectónica de placas. Esta disposición lenta permite que el núcleo del planeta este a unos 6.000 grados de temperatura , permitiendo una corriente de metal líquido en la parte externa del núcleo que genera, relacionado con la tectónica de placas, un campo magnético que protege la vida en la Tierra de la radiación del Sol y las eyecciones de masa coronal.

Marte tiene un tercio del radio terrestre, por lo que disipa calor mucho más rápido, los datos disponibles aseveran que se ha enfriado el doble de rápido que la Tierra, por lo que muy probablemente en su núcleo no haya temperatura para sostener un rio de metal líquido, lo que a su vez explica que Marte no tenga campo magnéticoco. La falta de calor interno también diculta la tectónica de placas, imprescindible para el ciclo del CO2 así como erupciones volcánicas, cambiando las dinámicas atmosféricas hasta llegar a una atmósfera casi completamente compuesta por CO2.

Las recomendaciones para los niños es mucha ropa de abrigo, especialmente en la cabeza y las manos, las principales áreas de disipación expuestas directamente al exterior, el gorro y los guantes son imprescindibles. Para los pies un par de calcenes y calzado con la suela más gorda posible, para aislarse del suelo. No es necesario comprar ropa en el Decathlon, la de casa sirve perfectamente, solo es necesario traer más.”

O sábado 12 de outubro continuamos coñecendo As Fragas do Eume da man de Carlos Franco Aradas, técnico deste Parque Natural. Realizaremos unha ruta circular de 9 km de distancia e dificultade baixa. Trátase da ruta “A Ventureira” á que Carlos engadiulle un tramo corto moi interesante.

O programa do día:
10.00h Punto de encontro: Taberna Feal, desde aquí desplazarémonos cos coches, todos xuntos, ata o inicio da ruta.
10:30h Comeza o percorrido
Distancia aproximada: 9 Km.
Duración aproximada: 3 horas.
Dificultade: Baixa.
14:00h Finaliza o percorrido.
14:30h Dirixímonos ao Restaurante O Pazo, nas Neves, Concello da Capela onde xantaremos (os que o solicitaran antes do sábado 5 de outubro).
16:00h Visita ao Museo Etnográfico da Capela, no Concello da Capela

Direccións: 
Taberna Feal: Lugar Lavandeira, 9, 15612 Cabanas, A Coruña. Coordenadas: 43°26’26″N 8°06’24″W
Mesón O Pazo: Lugar Pazo, 12, 15613 As Neves, A Coruña. Coordenadas: 43°25’37”N 8°03’55″W
Museo Etnográfico da Capela: Lugar O Pazo, s/n, 15613, A Coruña. Coordenadas: 43°25’33″N 8°04’00″W

Inscrición: Chama ou manda unha mensaxe a Manuela Méndez ao teléfono 606 281 744, indicando nome ou nomes dos asistentes á actividade e un teléfono de contacto, indica tamén se ides xantar co grupo.

Recomendacións:
• É aconsellable levar roupa e calzado axeitados para andar polo monte con choiva.
• Leva auga e algo de comer para a ruta, faranse paradas curtas explicativas durante o percorrido.
• Se queres quedar xantar co grupo, avisa antes do 5 de outubro.

Algúns datos de interese:

O itinerario circular discorre emboscado polo máis profundo do canón a ambas marxes do río Eume. Pasa pola minicentral do Parrote e remata na ponte de Santa Cristina en Caaveiro. O camiño de regreso faise por unha pista forestal a media ladeira, desde a que se ven unhas boas panorámicas do Monasterio de Caaveiro entre a densa vexetación das fragas.

O río Eume labra no seu curso final un gran canón envolto en brumas que garda un extraordinario tesouro botánico.

Recoñeceremos algunha das 28 especies de fentos que persisten desde o período xeolóxico Terciario (despois de que os últimos dinosaurios se extinguisen) agochados baixo a sombra de carballos, castiñeiros, bidueiros e amieiros.

Identificaremos algunha das más de cen especies de aves e corenta de mamíferos que conviven con peixes como a troita ou o reo, ou especies endémicas de invertebrados e reptís difíciles de atopar noutros lugares, como a ra ibérica ou a salamandra rabilarga.

A pegada humana no Parque presente en restos prehistóricos, nos monumentos da época medieval como o monasterios de Caaveiro ou en elementos etnográficos como as “curripas” demostran o uso e aproveitamento destes montes ata o século XX.

Gustaríanos contar co voso interese e, sobre todo, coa vosa participación.

O sábado 25 de maio imos visitar Os Ancares, concretamente Piornedo no Concello de Cervantes. Desde alí realizaremos unha ruta ata o pico Mustallar (1924 m). O noso guía será, unha vez mais, Carlos Franco Aradas, que compartirá algúns dos seus innumerables coñecementos sobre a zona (o seu segundo fogar): flora, fauna, costumes… Non dubides en preguntarlle.

O programa é o seguinte:

10.30h Punto de encontro no párking do Hotel Piornedo
10:40h Comeza o percorrido

Distancia aproximada: 13 Km.
Duración aproximada: 6 horas.
Dificultade: Baixa – Moi Alta (segundo o tramo).

14:30h Parada para xantar. Trae a túa comida e bebida.
18:30h Rematado o percorrido visitaremos unha palloza típica do lugar.

Recomendacións:
• É aconsellable levar roupa e calzado axeitados para andar pola montaña.
• É aconsellable deixar o coche nas inmediacións do Hotel Piornedo
• Faremos unha parada para xantar durante a ruta, trae comida e bebida.

Para a inscrición, chama ou manda unha mensaxe a Manuela Méndez ao teléfono 606 281 744, indicando nome ou nomes dos asistentes á actividade e un teléfono de contacto.

A Asociación da Casa das Ciencias proxecta realizar unha viaxe ao xacemento de Atapuerca, en Burgos, no mes de xuño. O grupo estará formado por un mínimo de 20 persoas e, para pechalo, necesitamos coñecer cantas persoas estarían interesadas en realizalo. Por iso, deberán comunicarnos o seu interese antes do vindeiro venres 3 de maio. Posteriormente realizarase a inscrición definitiva.

A viaxe realizarase os días 28, 29 e 30 de xuño de 2024. Estímase un prezo de 350 euros en habitación dobre e 450 en habitación individual. O aloxamento será no hotel Abba, en Burgos, en réxime de aloxamento e almorzo. O prezo inclúe a viaxe, as comidas de sábado e domingo e as entradas aos xacementos.

Programa da viaxe:

Venres 28: Saída ás 15.00 horas en autobús con destino a Burgos. Parada en ruta e chegada aproximada ao hotel ás 21.00 horas. Acomodación e cea libre.

Sábado 29: Almorzo no hotel e visita guiada á Cartuja de Miraflores. A continuación, viaxe a Ibeas de Juarros para iniciar a visita aos xacementos. Comida na zona e visita ao Centro de Arqueoloxía Experimental e ao Parque Arqueolóxico. Retorno a Burgos e cea libre.

Domingo 30: Almorzo no hotel e visita ao Museo da Evolución Humana. Finalizada a visita, volvemos a casa, parando para xantar en ruta. Chegaremos á Coruña sobre as 21.00 horas.

Agardamos que esta actividade sexa do voso interese.

O XXVIII Día da Ciencia na Rúa terá lugar o sábado 4 de maio de 2024 no parque de Santa Margarita, organizado pola Asociación de Amigos da Casa das Ciencias, Museos Científicos Coruñeses-Concello da Coruña e Cátedra EMALCSA-UDC. Coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.

O parque de Santa Margarita converterase un ano máis no epicentro de centos de actividades sobre bioloxía, tecnoloxía, matemáticas e física ao alcance de todos os públicos e da man de preto dun milleiro de escolares e profesorado de 54 centros educativos da Coruña, Betanzos, Cambre, Carral, Arteixo, Cerceda, Culleredo, Coristanco, Oleiros, Ordes, Pontedeume, Outes, Arzúa, Ribadeo, Miño, Ortigueira, As Pontes, Baio, Ribeira e Poio. Un hotel de insectos; experiencias sobre hidróxeno verde; lentes de realidade virtual para ver o interior do corpo humano; un túnel do vento; a construción dun periscopio; un taller de panadería; un código Morse con Arduino; un proxecto de simulación da ecolocalización dos morcegos; filtros naturais para a auga; ou un piano electrónico onde as teclas son froitas son algunhas das propostas para gozar e aprender neste Día da Ciencia na Rúa.

Xunto a eles, persoal da investigación e a divulgación presentarán un diverso programa de actividades para toda a cidadanía en ata as 62 xaimas que conformarán a xornada onde estarán as da Cátedra Emalcsa-UDC, a Facultade de Ciencias da UDC, a Escola de Enxeñeiros de Camiños da Universidade da Coruña, o Centro Interdisciplinar de Química e Bioloxía (CICA), o Centro de Investigación en TIC (CITIC), o Centro Oceanográfico da Coruña, o Instituto de Investigacións Biomédicas da Coruña (INIBIC), a Fundación IMQ San Rafael, o Servizo Municipal de Educación da Coruña, a asociación LUZADA da USC ou a Axencia Galega de Sangue, Órganos e Tecidos.

Tamén haberá numerosas actividades paralelas en torno ao edificio da Casa das Ciencias ofrecidas pola Asociación Galega de Xadrecistas-AGAX, a Agrupación Astronómica Coruñesa Ío, Bricolabs, Incude (Iniciativas Culturais e Deportivas Universitarias) ou UDCiencia d+i, ademais dun concerto da Banda Municipal da Coruña ás 12 horas e un espectáculo de monólogos científicos da man de Ciencia Calidade a partir das 17.30 horas.

Neste enlace podes consultar o plano coa ubicación das xaimas e actividades no parque de Santa Margarita.

Coa colaboración da Fundación Española para a Ciencia e a Tecnoloxía – Ministerio de Ciencia e Innovación.