A Asociación de Amigos da Casa das Ciencias (AACC) organiza en colaboración co Aquarium Finisterrae unha sesión da actividade «Durmindo con tiburóns» reservada exclusivamente para persoas socias da AACC, que terá lugar na noite do 19 ao 20 de decembro.

Nesta actividade realizaranse talleres sobre a bioloxía dos tiburóns e os participantes durmirán na sala Nautilus do Aquarium Finisterrae rodeados de peces. A actividade está dirixida a nenos e nenas nacidos entre o 1 de xaneiro de 2012 e o 31 de decembro de 2015 (de 10 a 13 anos); nesta ocasión ademais poderán inscribirse tamén irmáns/irmás menores, de entre 8 e 9 anos, sempre que acompañen ao participante de maior idade.

Convócanse un máximo de 20 prazas, e a actividade desenvolverase nun horario que vai desde as 20 horas do venres 19 ata as 11 horas do sábado 20 de decembro. A preinscrición abrirase en liña ás 9:00 horas do venres 5 de decembro neste formulario.

O prezo da actividade é de 20 euros. Cada participante empregará o seu saco de durmir, esteira e neceser para o aseo persoal, e deberá levar a súa propia comida (cea e almorzo) e utensilios.

>> Para consultar dúbidas pódese contactar con Manuela Méndez no 606 281 744.

O sábado 08 de novembro faremos unha saída á zona de Sobrado dos Monxes para recoller exemplares de setas e logo clasificalos. Contaremos unha vez máis coa inestimable colaboración de Carlos Franco, que compartirá con nós os seus amplos coñecementos sobre a materia.

10.30 h. Punto de encontro “Cafetería Plaza” de Sobrado dos Monxes.
13.00 h. Reunión dos participantes. Poremos en común a experiencia e as setas encontradas.
14.00 h. Rematamos a actividade (A hora é aproximada)

Requerimentos
É aconsellabe levar roupa cómoda, calzado para andar polo monte e chubasqueiro ou paraugas en caso de chuvia. Un bastón pode ser de axuda na búsqueda de setas.
Como apuntarse
Inscrición enviando unha mensaxe ou WhatsApp ao número 606 281 744, indicando nome ou nomes dos asistentes á actividade e un teléfono de contacto.

É unha actividade gratis para todos os socios e socias, orientada a familias con nenos e nenas de todas as idades.

Gustarianos contar co voso interese e, sobre todo, coa vosa participación.

A Asociación de Amigos da Casa das Ciencias organiza, en colaboración co Aquarium Finisterrae, ‘Durmindo con tiburóns’, unha actividade para nenos e nenas de entre 10 e 12 anos na que realizarán obradoiros sobre a bioloxía dos tiburóns e durmirán na sala Nautilus do Aquarium Finisterrae rodeados de peixes.

Convocaranse dúas sesións para os meses de outubro e novembro dirixidas a nenos e nenas nacidos entre o 1 de xaneiro de 2014 e o 31 de decembro de 2015. En cada sesión convocaranse un máximo de 20 prazas, e desenvolverase nun horario que vai desde as 20 horas do venres ata as 11 horas do sábado seguinte.

A preinscrición para as dúas sesións, que terán lugar nas noites do 24 ao 25 de outubro e do 28 ao 29 de novembro, abrirase en liña ás 9:00 horas do luns 6 de outubro neste formulario: forms.gle/7ugfTtapzfmbmsxH9. Terán preferencia os nenos e nenas que non acudiran con anterioridade á actividade.

O prezo da actividade é de 45 euros. Para os nenos e nenas membros da Asociación de Amigos da Casa das Ciencias o prezo é de 20 euros.

Cada participante empregará o seu saco de durmir, esteira e neceser para o aseo persoal, e deberá levar a súa propia comida e utensilios.

Haberá unha convocatoria extraordinaria so para socios, que se celebrará a noite do 19 ao 20 de decembro. Próximamente enviarémosvos as bases para esa convocatoria.

Termaria Casa del Agua foi o primeiro centro de talasoterapia con auga de mar na Coruña e o máis grande de Galicia. As súas instalacións contan con máis de 48.500 m2. Inaugurado no 2007, foi un dos centros de ocio acuático máis grandes de Europa e unha das infraestruturas máis importantes no ámbito cultural, lúdico e comercial da Comunidade. O sábado, 4 de outubro, visitaremos a súa parte máis oculta.

10.20h Punto de encontro na planta baixa da Casa da Auga, entrada pincipal.

10:30h Comeza a visita guiada da man do xefe de instalacións e medio ambiente.

Veremos:
• Instalacións: salas de fitness, piscinas, talasos, zonas comúns e tratamentos.
• Producións: produción de frío e de calor cos sus primarios.
• Sala de máquinas: filtracións, bombas, vasos de compensación, desinfección…

12:30h A duración da visita será entre 1,5h y 2h.

Inscrición mediante chamada ou mensaxe ao teléfono 606 281 744, indicando nome ou nomes dos asistentes á actividade e un teléfono de contacto.

Gustaríanos contar co voso interese e, sobre todo, coa vosa participación.

O sábado 27 de setembro imos visitar O Courel, a Devesa da Rogueira. É un dos bosques máis diversos da Península Ibérica e está moi ben conservado. Atópase dentro da Reserva da Biosfera e Xeoparque Mundial da Unesco Montañas do Courel. Alí faremos unha ruta circular cunha dificultade media-alta polo desnivel. O noso guía será, unha vez máis, Carlos Fanco Aradas, que compartirá con nós alguns dos seus innumerables coñecementos sobre a zona, flora, fauna, costumes etc.

O programa é o seguinte:

10.00h Punto de encontro en Seoane do Courel. Comenza o percorrido.
Distancia aproximada: 13 Km.
Duración aproximada: 8 horas. (Incluíndo as paradas)
Dificultade: Media – Alta
14:00h Parada para xantar. Trae a túa comida e bebida.
18:00h Remata o percorrido.
Recomendacións
• É aconsellable levar roupa e calzado axeitados para andar pola montaña.
• Faremos unha parada para xantar durante a ruta, trae comida e bebida.

Inscrición mediante mensaxe ao teléfono 606 281 744, indicando nome ou nomes dos asistentes ás actividades e un teléfono de contacto.

Gustaríanos contar co voso interese e, sobre todo, coa vosa participación.

A Asociación organiza un paseo guiado por Carlos Franco dende a praia de Soesto á lagoa de Traba o sábado día 31 de maio. O Espazo Natural de Traba está formado por unha praia de case 2 quilómetros de largo, estendida entre a Punta de Arnado e a Punta de Traba, un cordón dunar e unha lagoa natural, cunha flora rica e variada.

O enorme interese medioambiental deste conxunto foi recoñecido ao ser declarado Espazo Natural Protexido da Lagoa e Dunas de Traba. Ademáis está dentro da Rede Natura 2000, e foi tamén recoñecido como Zona de Especial Protección de Aves (ZEPA) e Lugar de Interese Comunitario (LIC).

Pero, se por algo destaca realmente este espazo é pola grande cantidade de visitas que realizan á lagoa aves pouco frecuentes por esta zona, convertindo o lugar, coa su presenza, nunha auténtica reserva ornitolóxica, polo que se recomenda levar prismáticos e cámara fotográfica.

10.30h Punto de encontro no merendeiro da praria de Soesto (43°12’48.4″N 9°01’11.1″W), onde deixaremos os coches. 10:40h Comeza a ruta guiada.
14:00h Paramos a comer na área recreativa da lagoa de Traba. Cada un deberá levar a súa comida e auga.
17:00h Finaliza a ruta, de volta nos coches ou á praia, ti decides, non esquezas o traxe de baño. (A hora é aproximada)

✓Distancia: 12,5 quilómetros
✓Dificultade técnica: fácil
✓Ruta: circular

• Para desfrutar ao máximo desta actividade é recomendable comprobar a previsión meteorolóxica e levar roupa axeitada, calzado cómodo antideslizante, comida e auga.

• Debido ás características da zona, a ruta non se realizará con mal tempo, polo que é necesario estar atentos ao móbil o día anterior por unha posible cancelación.

Inscríbete mediante chamada ou mensaxe ao teléfono 606 281 744, indicando nome ou nomes dos asistentes ás actividades e un teléfono de contacto.

Gustaríanos contar co voso interese e, sobre todo, coa vosa participación.